Komiteti Shqiptar i Helsinkit (KShH), në kuadër të projektit “Për të rritur transparencën dhe përgjegjshmërinë në procesin e zbatimit të reformës në sistemin e drejtësisë” mbështetur financiarisht nga Fondacioni Shoqëria e Hapur për Shqipërinë, shpall thirrjen publike për ekspertë për realizimin e një videoje ndërgjegjësuese.
Video synon sensibilizimin e qytetarëve, nëpërmjet shembujve të personave, të cilët kanë denocuar gjyqtarë, ose prokurorë në organet e vettingut të asistuar nga KShH dhe ankesa e tyre ka dhënë kontribut në proçes.
Video duhet të jetë:
- Filmim, punim grafik dhe audio. Xhirimi do të jetë në studio dhe pjesë e xhirimit do të jetë të paktën një personazh i ofruar nga ne. Teksti do të dërgohet nga ne për t’u bërë pjesë e videos;
- Skenari do të bëhet në bashkëpunim me KSHH;
- Video duhet të jetë 40 sekonda deri në 1 minutë e gjatë;
Të interesuarit të dërgojnë një ofertë financiare, së bashku me një listë me video të ngjashme (linqe të produkteve tuaja) deri në datën 12 Korrik 2019.
Dokumentet do të dërgohen në formë elektronike në adresën e e-mailit të KShH-së office@ahc.org.al. Vetëm subjekti / eksperti i përzgjedhur do të njoftohet për të vijuar me lidhjen e kontratës dhe realizimin e spotit me anë të e-mailit.
