FAQ - Komiteti Shqiptar i Helsinkit

Home
FAQ

15/07/2025

F.A.Q.

ANSWERS EVERYWHERE

Pyetje të bëra më shpesh

Pyetje të përgjithshme

Si mund të më ndihmoni nëse mendoj se janë shkelur të drejtat e mia?

Përmes Klinikës Ligjore Falas, stafi ligjor i KShH-së mund t’ju asistojë ligjërisht përmes këtyre shërbimeve:

- Këshillim ligjor mbi ankesën tuaj dhe rrugën ligjore që duhet të ndiqni për adresimin e saj;
- Monitorim i institucioneve të mbyllura (burgje apo komisariate) për të verifikuar respektimin e të drejtave të personave të privuar nga liria;
- Monitorim i proceseve gjyqësore në të cilat ju mund të jeni palë;
- Asistencë për plotësimin e dokumentacionit përmes hartimit të shkresave të nevojshme dhe dërgim dokumentacioni (kryesisht kopje të ligjeve në fuqi për shtetasit e privuar nga liria);
- Ndërhyrje institucionale duke referuar kërkesën apo ankesën tuaj pranë institucionit publik kompetent me qëllim marrjen e informacionit mbi masat e marra për trajtimin e saj.

A duhet të vij patjetër fizikisht tek zyra e KShH-së për të përfituar nga ndihma juridike?

Jo, nuk është e nevojshme të paraqiteni pranë zyrës së KShH-së. Ju lutem na kontaktoni nëpërmjet postës, telefonit, email-it ose faqes sonë të internetit për të përcjellë fillimisht ankesën tuaj, më pas stafi përgjegjës mund t’ju kontaktojë për të caktuar një takim fizik.

ADRESA:
Rr. Brigada e VIII , "Tekno Projekt" Toëer, Shkalla 2, Apt 10, Kati 6, Tirana, Albania
Tel: +355 (0)4 223 3671
Mobile AHC Office: 068 20 236 99
Mobile Legal Clinic: 069 40 757 32
Email: office@ahc.org.al

Pyetje specifike

A mund të kërkoj avokat falas nga KShH për çështjen time?

Ju informojmë se stafi ligjor i KShH-së ofron këshillim ligjor falas për të gjithë shtetasit që kanë nevojë. Ndërsa për përfaqësimin e çështjes suaj në rrugë gjyqësore, mbahet parasysh plotësimi i tre kritereve, si më poshtë:

1. Shtetasi/ankuesi duhet ti përkasë një kategorie në nevojë të tilla si (i privuar nga liria, grua/vajzë, anëtar i një minoriteti, anëtar i komunitetit LGBTIQ, viktimë e një vepre penale, fëmijë, i moshuar, etj);
2. Shtetasi apo familja e tij duhet të jetë në pamunfësi ekonomike për të paguar një avokat;
3. Çështja duhet të përmbajë elementë të litigimit strategjik.

Janë shkelur të drejtat e mia apo të një familjari gjatë qëndrimit në një Komisariat apo Institucion të Ekzekutimit të Vendimeve Penale. A mund të më ndihmoni?

Stafi ligjor i KShH-së pasi të njihet me ankesën tuaj, do t’ju këshillojë ligjërisht mbi rrugën administrative/gjyqësore që duhet të ndiqni për të referuar ankesën tuaj, ose mund ta referojë atë pranë Institucioneve përkatëse përmes një ndërhyrjeje institucionale. Në raste të caktuara, apo pretendime për ushtrim dhune nga ana e personelit të këtyre Institucioneve, KShH mund të ndërmarrë edhe një mision monitorimi në terren për të verifikuar ankesën.