Për një respektim dhe mbrojtje më të mirë të të drejtave dhe lirive të shtetasve, Komiteti Shqiptar i Helsinkit realizon veprimtari lobuese, advokuese dhe monitoruese për të përmirësuar cilësinë e mirëqeverisjes nga organet e pushtetit publik në nivel qendror dhe vendor.

Kontributi i veprimtarisë së KShH-së ndër vite ka synuar të rrisë përgjegjshmërinë, llogaridhënien, transparencën, pjesëmarrjen e publikut dhe angazhimit qytetar në proceset vendimmarrëse të organeve të pushtetit publik, me prioritet fusha të tilla si arsimi, shëndetësia, strehimi, shërbimet sociale, respektimi i të drejtave dhe lirive të shtetasve në përgjithësi etj.