Monitoruesi Grek i Helsinkit i drejtohet Presidentit të Këshillit të Ministrave, të Këshillit të Evropës, duke i kërkuar ndër të tjera ri-hapje të hetimeve për 12 çështje të fituara në Gjykatën e Strasburgut, me të paditur shtetin Grek. Një nga këto raste është Çelniku kundër Greqisë (Ilir Çelniku u vra nga forcat e policisë greke në Nëntor të vitit 2001). Gjithashtu, Komitetit të Ministrave i kërkohet të hetojë vdekjen e shtetasit shqiptar, 28 vjeçarit Pëllumb Marnikollaj, i cili humbi jetën në dt.3 Gusht 2016, në ambjetet e Stacionit të Policisë së Patisias (në rrugën Aghias Lavras në Athinë). Autoritetet policore greke pretenduan dy javë pas ngjarjes (18 Gusht), se i ndjeri Pëllumb Marnikollaj u hodh nga kati i dytë i stacionit të policisë! Gjithashtu, autoritetet nuk informuan askënd nga familjarët e viktimës, të cilët lokalizuan trupin e tij në dt.11 Gusht, në kohën kur do të varrosej si një person i cilësuar si pakërkuar.’’

Në linkun më poshtë mund të lexoni letrën e plotë të Monitoruesit Grek të Helsinkit: 

https://ahc.org.al/wp-content/uploads/2018/10/ghm-on-makartazis-15-10-2018.pdf