Komiteti Shqiptar i Helsinkit (KShH) po zbaton nismën “Monitorimi i të drejtave dhe lirive themelore gjatë pandemisë globale Covid-19 dhe fuqizimi i shoqërisë civile në Shqipëri„, mbështetur financiarisht nga the Balkan Trust for Democracy dhe USAID.
Kjo nisëm synon të monitorojë kufizimet ndaj lirive dhe të drejtave të njeriut që u kryen gjatë pandemisë Covid-19, duke u fokusuar më së shumti ndaj të drejtave social-ekonomike dhe të edukimit, si dhe lirisë së lëvizjes dhe tubimit. Në kuadër të këtij synimi, një ndër aktivitetet thelbësore të nismës përfshin mbledhjen e të dhënave nga qytetarët dhe institucionet nëpërmjet disa pyetësorëve të hartuar. KShH shpall kërkesën për ofertë për ekspertë për t’u angazhuar në hartimin e pyetësorëve për këtë çështje.
Pyetësorët duhet:
- Të hartohen duke u bazuar në metodologjinë e monitorimit;
- Të ndahen sipas grupeve të synuara (për qytetarët, institucionet e caktuara);
- Të përqëndrohen në të drejtat social-ekonomike, të edukimit, lirisë së lëvizjes dhe tubimit;
- Të targetojnë aspektet kryesore të ndryshimeve të kryera për shkak të pandemisë.
KShH nxit aplikimet nga kandidatët të cilët plotësojnë karakteristikat e mëposhtme:
Aftësi individuale
- Të jetë i/e pavarur dhe i/e paanshëm/e
- Të gëzojë integritet profesional e moral
- Të ketë aftësi shumë të mira analitike dhe mendimi kritik
- Të respektojë detyrat dhe afatet e vendosura nga ekipi zbatues i projektit
- Të jetë i/e aftë të punojë nën presionin e kohës
Aftësi profesionale
- Të ketë përfunduar studimet Master në Drejtësi apo Shkenca Sociale;
- Të ketë përvojë profesionale prej të paktën 3 vitesh;
- Të ketë njohuri shumë të mira në fushën e të drejtave të njeriut;
- Të ketë angazhime të mëparshme në organizata të shoqërisë civile.
KShH fton ekspertët e interesuar të dërgojnë në format hard-copy pranë adresës së zyrave të KShH dokumentacionin e mëposhtëm deri më datë 14 Qershor 2021:
- CV
- Letër motivimi
- Ofertë financiare
