Komiteti Shqiptar i Helsinkit (KShH) në bashkëpunim me Ambasadën Suedeze në Shqipëri, si pjesë e Iniciativës “Drive for Demoracy”/”Të vendosur për Demokracinë”, po zbaton projektin “Jo Korrupsionit, Po Demokracisë”, mbështetur financiarisht nga SIDA. Objektivi i këtij projekti është fuqizimi i sektorit të shoqërisë civile në rolin e tyre si aktorë të rëndësishëm në luftën ndaj korrupsionit dhe kontributin në zhvillimin e demokracisë dhe shtetit të së drejtës, duke ushtruar një presion pozitiv ndaj autoriteteve publike.

Në kuadër të zbatimit të këtij projekti, KShH shpall kërkesën për ofertë për subjekt/kompani që kanë aktivitet në ofrimin e pajisjeve elektronike. Kërkesa ka si objekt realizimin e blerjes së një pajisjeje laptop për zyrën e KShH-së, me parametrat teknike të mëposhtme:

Kriteret teknike që pajisja laptop duhet të plotësojë janë si më poshtë:

1. CPU: Intel coreI5 ose CI7 Gjenerata 10 (gen10)
2. Memorja: Min 8GB Ram DDR4 + 256GB ose 512GB SSD
3. Video Card 2GB/4GB, Wifi bluetooth, kamera
4. Definicioni: 13″-17″ FHD Display (Touch Display nëse disponon)
5. Rezolucioni [pixel]: 1920 x 1080
6. Portat: USB / HDMI
7. Garancia: 2 vite

KShH fton të gjitha subjektet/kompanitë e interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 5 Maj 2022, dokumentacionin e mëposhtëm:

1. Llojin dhe kriteret teknike kryesore (të përmbledhura në gjuhën shqip) të pajisjes ose listës së pajisjeve që përmbushin këto kritere që subjekti ofron (broshurë/manual i pajisjes përkatëse)
2. Garancia që përfshihet
3. Ofertën financiare në lekë (TVSH e përfshirë)
4. Çertifikatën e regjistrimit (nqs ofertuesi është kompani/subjekt tregtar)
5. Oferta duhet të jetë e firmosur dhe e vulosur
6. Afatin e vlefshmërisë së ofertës (mbajtjes në dispozicion të artikullit nga momenti i dërgimit të kërkesës për ofertë)
7. Koha e vënies në dispozicion të artikullit