Komiteti Shqiptar i Helsinkit (KShH), në kuadër të zbatimit të projektit “Konsolidimi i Qëndrueshmërisë Komunitare ndaj Ekstremizmit të Dhunshëm duke fuqizuar Rininë”, mbështetur nga Ambasada e Shteteve të Bashkuara në Shqipëri, shpall thirrjen për ofertë nga subjekt tregtar/kompani IT.
Subjekti tregtar IT pritet të angazhohet në mirëmbajtjen e platformës (Zoom) në të cilën do zhvillohet Summer School nga Komiteti Shqiptar i Helsinkit. Subjekti do garantojë mbarëvajtjen e aktivitetit, në terma të performancës teknike të platformës, do mbështesë shfrytëzimin e funksionaliteteve të platformës nga stafi zbatues i aktivitetit dhe personat e përfshirë, do jetë përgjegjës për adresimin e problemeve të mundshme të platformës dhe do lehtësojë përdorimin e saj nga pjesëmarrësit.
KShH fton të gjitha subjektet tregtare/kompanitë IT të interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 21.06.2021, dokumentacionin e mëposhtëm:
- Ofertën financiare (TVSH e përfshirë të firmosur dhe vulosur për mirëmbajtjen e platformës).
- CV-në e subjektit.
- Çertifikatën e regjistrimit të subjektit (nëse ka).
