Në kuadër të zbatimit të projektit “Për mbështetjen e Kuvendit dhe Edukimit Qytetar (PACEP)”, me mbështetjen financiare të Agjencisë Zvicerane për Zhvillim dhe Bashkëpunim (SDC), Komiteti Shqiptar i Helsinkit (KShH) është duke planifikuar realizimin e 18 (tetëmbëdhjetë) ditëve të hapura, të cilat do të shtrihen përgjatë muajve Prill-Qershor 2022 (në varësi të planifikimeve të realizuara nga ana e stafit zbatues të projektit). Në kuadër të planifikimit të këtyre aktiviteteve, KShH shpall thirrjen publike për marrjen me qera të një automjeti, tip minibus/minivan, me kapacitet 7-9 persona. Ky automjet do të markohet/brandohet me logot e projektit si dhe mesazhe sensibilizuese të ideuara nga stafi zbatues i projektit, dhe do të përdoret përgjatë periudhës PrillQershor 2022 për të realizuar turin e 18 ditëve të hapura në qytetet e përcaktuara në kuadër të iniciativës. Nëpërmjet kësaj shpallje publike, KShH synon vetëm marrjen me qera ditore të automjetit, ndërkohë që shoferi i cili do të jetë përgjegjës për shoqërimin e personave pjesë e KShH-së dhe partnerëve, do të vihet në dispozicion nga vetë KShH.
Oferta finaciare e përcjellë nga subjektet e interesuara duhet të përfshijë:
- Ofertën e plotë financiare për marrjen me qera të këtij autometi mbi baza ditore
- Të dhëna në lidhje me automjetin që mund të na ofroni për këtë shërbim (të dhënat duhet të përfshijnë numrin e vendeve; vitin e prodhimit; kilometrazhin aktual, të dhëna mbi konsumin e karburantit dhe llojin e tij; datën e realizimit të kontrollit teknik/kolaudimit).
KShH fton të gjitha subjektet e interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 16.04.2022, dokumentacionin e mëposhtëm:
1. Ofertën financiare në Lekë (me TVSH të përfshirë)1
2. Oferta financiare e propozuar duhet të përfshijë në çmim, pajisjen me siguracion dhe taksat/tarifat përkatëse
3. Oferta e përcjellë duhet të jetë pa limit kilometrash, brenda territorit të Republikës së Shqipërisë
4. Foto të automjetit që mund të na ofroni për këtë shërbim
5. Çertifikatën e regjistrimit të subjektit tregtar
1.Subjektet qe nuk disponojne kete status, duhet te deklarojne ne oferten e tyre mbi TVSH-ne.
