Rreth Autoritetit Kontraktues:
Komiteti Shqiptar i Helsinkit është organizatë jofitimprurëse, në formën e shoqatës me anëtarësi. Është regjistruar fillimisht pranë Ministrise së Drejtësisë, me urdhrin nr. 17/1 dhe
më pas pranë Gjykatës së Rrethit Gjyqësor Tiranë, sipas ligjit “Për organizatat jofitimprurëse” me vendimin nr.2/1, datë 19.07.2002.
Termat e Referencës të shërbimit që kërkohet të ofrohet nga kompania audituese:
Komiteti Shqiptar i Helsinkit kërkon të kontraktojë një Kompani Auditimi për realizimin e procesit të regjistrimit të furnitorëve, faturave të blerjeve dhe rregullimin e pagesave të bëra nga arka ose banka për faturat e këtyre furnitorëve, sipas legjislacionit në fuqi, për periudhën 01.01.2022 – 31.08.2023.
Komiteti Shqiptar i Helsinkit nuk është subjekt i TVSH-së.
Kompania audituese e përzgjedhur, bazuar në kërkesat dhe informacionin e dhënë nga stafi përgjegjës i Komitetit Shqiptar të Helsinkit (KSHH-së), do të angazhohet për të kryer rezultatet dhe detyrat e mëposhtme:
1. Regjistrimi i Shitësit/ve: Regjistrimi i të gjithë shitësve në programin tonë financiar (Alpha web), nga të cilët kemi blerë produkte apo shërbime, për periudhën 01.01.2022 – 31.08.2023.
2. Regjistrimi i Blerjeve: Regjistrimi i të gjitha faturave të blerjeve në programin tonë financiar (Alpha web), bazuar në portalin e vetë-kujdesit për blerjet nga subjektet e biznesit dhe faturat e blerjeve nga individë me kontrata shërbimi, për periudhën 01.01.2022 – 31.08.2023.
3. Regjistrimi i Pagesave: Regjistrimi i të gjitha marrëveshjeve të pagese për të gjitha blerjet në programin tonë financiar (Alpha web), në vend të klasës së kontabilitetit, pagesa duhet të lidhet me faturën që paguhet, për periudhën 01.01.2022 – 31.08.2023.
4. Regjistrimet në librin kryesor (General Ledger Entries): Të kryhen rakordime në regjistrimin në librin kryesor në programin tonë financiar (Alpha web) për shitësit, blerjet, pagesat përkatëse që ndikojnë në këto transaksione për periudhën 01.01.2022 – 31.08.2023.
Shërbimi i kërkuar do të realizohet nga Kompania audituese fituese, përgjatë muajit Shtator 2023, në përputhje me komunikimet e përcjella nga ana e stafit përgjegjës të KShH-së.
Kliko këtu për të lexuar të gjithë materjalin.
