Komiteti Shqiptar i Helsinkit, në kuadër të nismës “Monitorimi i të drejtave dhe lirive themelore gjatë pandemisë globale Covid-19 dhe forcimi i shoqërisë civile në Shqipëri”, mbështetur financiarisht nga the Balkan Trust for Democracy dhe USAID, synon të zhvillojë një vlerësim të ndikimit të kufizimeve të kryera mbi disa prej të drejtave e lirive themelore të njeriut përgjatë periudhës së pandemisë Covid-19.
Ky pyetësor përqëndrohet kryesisht në te drejtën për informim, të drejtën për lëvizje, të drejtën për tubim, të drejtën për kujdes shëndetësor dhe liritë ekonomiko-sociale për periudhën Mars 2020-Dhjetor 2021.
Pyetësori është krejtësisht anonim dhe të dhënat e grumbullura do të përdoren vetëm për qëllime studimore në kuadër të nismës. KShH vlerëson mendimin tuaj, prandaj ju fton të plotësoni këtë pyetësor. Të dhënat e marra do të përdoren për të prodhuar një studim kërkimor, të parin e llojit të tij në Shqipëri, i cili do të përqëndrohet mbi të drejtat e njeriut gjatë periudhës së pandemisë.
