Komiteti Shqiptar i Helsinkit (KShH) rihap thirrjen për angazhimin e një oficeri komunikimi dhe vizibiliteti, i cili duhet të jetë i/e gatshëm të sigurojë komunikimin dhe informimin në lidhje me vizibilitetin e aktiviteteve të projekteve që KShH ka në zbatim. Oficeri i komunikimit bazuar në kërkesat dhe të dhënat e vendosura në dispozicion nga stafi zbatues i KShH, do të përmbushë
shërbimet e mëposhtme:
1. Sigurohet komunikimi dhe menaxhimi i rrjeteve sociale në lidhje me vizibilitetin e aktiviteteve në zbatim të projektet të KShH-së.
2. Të zhvillojë një plan komunikimi dhe vizibiliteti, si dhe të ofrojë rekomandime për kanalet e mundshme të komunikimit dhe mjetet e vizibilitetit që do të përdoren nga projektet. Mbi bazën e këtij plani komunikimi dhe vizibiliteti duhet të hartohet linja e brendshme e komunikimit të secilit projekt dhe linja e jashtme e komunikimit më konkretisht: (1) Projekt – Palë e interesit; (2) Projekt – Donator; (3) Projekt – Media & Publiku i gjerë.
3. Gjithashtu, do të ofrohen rekomandime në hartimin e materialeve të nevojshme për të siguruar që komunikimi i projektit është në përputhje me udhëzimet e donatorëve dhe mbështetësve të iniciativave përkatëse.
4. Në pajtim me planin e komunikimit dhe vizibilitetit, do të përgatisë rekomandime për implementimin e aktiviteteve, me fokus të veçantë sfidat e paraqitura nga
pandemia globale Covid-19 ose nga fatkeqësi të tjera natyrore.
5. Të elaborojë dhe të përditësojë website dhe profilet e rrjeteve sociale të organizatës në Facebook, instagram etj.
6. Të elaborojë dizajnin dhe të ofrojë rekomandime në rastet e prodhimit të materialeve për vizibilitetin e projekteve. Më konkretisht, duhet të kontribuojë në përgatitjen e materialeve të vizibilitetit si psh, postime në median sociale dhe në faqen zyrtare, intervista/artikuj në median e shkruar dhe elektronike, infografikë, etj, në bashkëpunim me stafin e KShH.

(për më tepër shkarkoni materialin pdf)