Komiteti Shqiptar i Helsinkit (KShH) po zbaton nismën “Radikalizmi dhe parandalimi i ekstremizmit të dhunshëm në komunitet” mbështetur financiarisht nga Programi Erasmus+ i Bashkimit Evropian, shpall kërkesën për ofertë për një subjekt tregtar i cili ofron me qira një sallë për gjysmë dite (parashikohet ora 10:00 – 12:00) bashkë me pajisjet mbështetëse si dhe coffee break për 20 pjesëmarrës për realizimin e një eventi gjatë javës së dytë ose të tretë të muajit Korrik. (Subjekti i përzgjedhur do të njoftohet për datën e saktë të paktën 4 ditë përpara eventit)
KShH fton të gjitha subjektet e interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 03.07.2024, dokumentacionin e mëposhtëm:
- Ofertën financiare për sallë për gjysmë dite për zhvillimin e eventit së bashku me pajisje mbështetëse (3 mikrofonë statikë dhe 2 të lëvizshëm/sistem audio, monitor vizual për shfaqjen e ppt, internet wi-fi, pajisjet për përkthim simultan, sistem për realizimin e lidhjes në Zoom, ku laptopi do të sigurohet nga ana e KShH-së).
- Ofertën financiare në Euro në formën kosto coffee break për 20 persona (bashkëngjitur ofertës edhe menunë).
- Oferta duhet të jetë e firmosur dhe e vulosur.
- Vlera e ofertës duhet të llogaritet nga subjektet e interesuara me TVSh të përfshirë në çmim (VAT included). Në rast se subjekti përfshihet në kategorinë që përjashtohet nga TVSH duhet ta deklarojë atë.
