Komiteti Shqiptar i Helsinkit (KShH) po zbaton nismën “Unë marr pjesë! Zëri im, vota ime vlen.”, në partneritet me Civil Rights Defenders dhe Instituti i Studimeve Politike, mbështetur financiarisht nga Bashkimi Europian.
Ky projekt synon të fuqizojë qytetarët dhe shoqërinë civile që të angazhohen në promovimin, advokimin dhe monitorimin e proceseve demokratike. Një ndër aktivitetet kryesore të kësaj nisme është monitorimi i procesit zgjedhor, në kuadër të së cilit, KShH shpall thirrjen për angazhimin e një eksperti për hartimin e metodologjisë së monitorimit të zgjedhjeve.
Metodologjia e hartuar nga eksperti duhet të përfshijë karakteristikat e mëposhtme, jo shteruese:
- Aspektet ligjore të monitorimit;
- Procesin të cilin monitoruesit e angazhuar duhet të ndjekin gjatë monitorimit dhe raportimit të gjetjeve;
- Formatet dhe pyetësorët të cilët do të përdoren nga monitoruesit gjatë angazhimit.
KShH inkurajon aplikimet nga kandidatët të cilët plotësojnë listën e kritereve të paraqitura më poshtë:
- Aftësi individuale
- Të jetë i/e pavarur dhe i/e paanshëm/e;
- Të gëzojë integritet profesional e moral;
- Të ketë aftësi shumë të mira analitike dhe mendimi kritik;
- Të respektojë detyrat dhe afatet e vendosura nga ekipi zbatues i projektit;
- Të jetë i/e aftë të punojë nën presionin e kohës.
- Aftësi profesionale
- Të ketë përfunduar studimet akademike në drejtësi;
- Të ketë përvojë profesionale mbi 10-vjeçare në monitorimin e zgjedhjeve dhe hartimin e metodologjive të monitorimit zgjedhor;
- Të ketë njohuri shumë të mira të së drejtës kushtetuese dhe Kodit Zgjedhor;
- Të ketë eksperiencë 10-vjeçare në shoqërinë civile.
Periudha e angazhimit e ekspertit për hartimin e metodologjisë do të jetë 20 ditë.
KShH fton ekspertët e interesuar të dërgojnë në formë elektronike në adresën e email-it office@ahc.org.al dokumentacionin e mëposhtëm deri në datën 5 shkurt 2020, ora 17.30:
- CV
- Letër motivimi
- Metodologji monitorimi (Koncept)
- Ofertë financiare
Vetëm eksperti i përzgjedhur do të njoftohet.
