Kohëzgjatja: 2 muaj
Data e Hapjes së Thirrjes: 2 Maj 2024
Afati i fundit për aplikim: 15 Maj 2024
Numri i praktikantëve: 2 (Dy)
Adresa: Rr. Brigada VIII, Pll. Tekno Projekt, Shk.2, Ap.10, Kati 6, Tirana, Albania
Kush jemi ne?
Komiteti Shqiptar i Helsinkit (KSHH) është një organizatë jofitimprurëse që ka në mision Mbrojtjen e të drejtave dhe lirive të njeriut, shtetin e së drejtës si dhe zgjedhjet e lira dhe të ndershme.
KShH si një organizatë me 34 vite përvojë, ofron herë pas herë mundësi praktike për të rinjtë dhe të rejat që dëshirojnë të marrin njohuri praktike, në fushën e profesionit të tyre, të ndërlidhur me sektorin e organizatave të shoqërisë civile, i cili ofron mundësi shumë të mira të përgatitjes profesionale, zhvillim i qendrueshëm karriere, përftimit të aftësive multi-tasking, mjedis të lirë dhe të pavarur nga ndërhyrjet e papërshtatshme apo punësimet jo meritokratike.
KShH ka kënaqësinë të hapë në këtë thirrje, aplikimet për 1 praktikant/e, student/e të Fakultetit të Ekonomisë. Janë të ftuar të aplikojnë të gjithë të rinjtë që dëshirojnë të angazhohen në një program praktike një mujore, për të asistuar Menaxheren e Financës së Komitetit Shqiptar të Helsinkit të aplikojnë.
Çfarë duhet të kemi në konsideratë?
- Praktika do të zhvillohet pranë zyrave të Komitetit Shqiptar të Helsinkit dhe është e papaguar.
Cilat janë kërkesat për studentët që do të kualifikohen në fazën e intervistës?
- Të ndjekin studimet në vitin e fundit master apo vitin e fundit në programin e integruar të studimeve në Fakultetin e Ekonomisë.
- Preferohen gjithashtu edhe të rinjtë që kanë përfunduar deri në 3 vitet e fundit studimet në Fakultetin e Ekonomisë.
- Preferohen të rinjtë që studiojnë apo kanë përfunduar studimet në Degën Kontabilitet Financë (por ky nuk është një kriter penalizues, pasi mirëpriten edhe të rinjtë që kanë studiuar në degë të tjera të Fakultetit Ekonomik si Biznes, Ekonomiks, etj).
- Kanë njohuri të mjaftueshme të gjuhës angleze
- Kanë njohuri të mira të përdorimit të paketës Microsoft Office
- Janë të hapur të mësojnë dhe të punojnë në grup
Si mund të aplikoni?
Nëse jeni të interesuar për këtë thirrje, lutem të paraqisni deri në dt.15 Maj 2024, në adresën tonë office@ahc.org.al, aplikimin tuaj, pjesë e së cilit do të jenë:
- CV
- Letër motivimi
Vetëm kandidatët që do të kualifikohen për fazën e e parë të intervistimit, do të njoftohen brenda dt.22 Maj, për datën dhe orën e intervistës.
