Komiteti Shqiptar i Helsinkit (KShH) në kuadër të projektit “Mbështetje për median e pavarur në Shqipëri”, mbështetur financiarisht nga British Embassy & East-West Management Institute, ka realizuar Barometrin Kombëtar mbi Lirinë e Medias për vitin 2020 në Shqipëri.
KShH shpall thirrjen për përzgjedhjen e një subjekti/kompanie/individi për dizenjimin dhe prodhimin e një video informuese e cila ka si objektiv të promovojë gjetjet kryesore të këtij Barometri.
Qëllimi i kësaj video, e cila do të shpërndahet në rrjete sociale dhe në faqet zyrtare te organizatave pjesëmarrëse në këtë projekt, është përcjellja e mesazheve, opinioneve dhe rezultateve të këtij barometri të shprehura nga vetë gazetarët.
Video duhet të përfshijë:
- Intervista/mesazhe të shkurtra promovuese
- Elementë grafikë, animacion dhe titra.
- Elementë tingulli (sfond).
- Skenari do të bëhet në bashkëpunim me përfaqësues nga KSHH, zbatues të projektit;
- Video duhet të jetë rreth 1-2 minuta gjatë.
KShH inkurajon subjektet/kompanitë e interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 26 Nëntor 2021, dokumentacionin e mëposhtëm:
- Ofertën Financiare (në Lek /me TVSH)
- CV;
- Certifikate regjistrimi (në rastin e subjektit tretar/kompanisë);
- Listë me punime të realizuara më pare dhe links për aksesimin e tyre.
Vetëm subjekti i përzgjedhur do të njoftohet me anë të e-mailit për të vijuar me lidhjen e kontratës dhe realizimin e videos.
Me konsideratë,
Komiteti Shqiptar i Helsinkit
