KShH motivon të bëhen pjesë e programit të vullnetarizmit, me mundësi përfshirje të drejtëpërdrejtë në misione dhe vizita monitoruese/verifikues, studentët e Fakulteteve të Drejtësisë që duan të angazhohen në Mbrojtjen e të Drejtave të Njeriut, monitorimin e sistemit të burgjeve dhe institucioneve të mbyllura në vendin tonë, monitorimin e veprimtarisë së sistemit gjyqësor dhe të funksionimit të organeve të reja të qeverisjes së sistemit të drejtësisë, verifikimin në terren të ankesave të adresuara nga qytetarët, përfshirjen në zbatimin e aktiviteteve të ndryshme të planifikuara nga stafi i KShH-së etj.

Angazhimi si vullnetar dhe përfshirja si vëzhgues do të zhvillohet pranë zyrave të Komitetit Shqiptar të Helsinkit (Tiranë), në përputhje me afatet kalendarike të përcaktuara nga stafi ekzekutiv i organizatës.

Detyrat dhe përgjegjësitë kryesore që do të ushtrohen gjatë angazhimit janë:

1. Angazhimi në monitorime të ndryshme në terren dhe në institucione të mbyllura me qëllim verifikimin e situatës së të drejtave dhe lirive të shtetasve.
2. Asistim në desk-research dhe monitorim i veprimtarisë së pushtetit gjyqësor, organeve të reja të qeverisjes së sistemit të drejtësisë etj.
3. Asistimi në përgatitjen e materialeve, raporteve kërkimore, raporteve të monitorimit, shkrimeve etj.
4. Asistimi i stafit në realizimin e aktiviteteve që zbaton organizata.
5. Shpërndarja e publikimeve të prodhuara nga ana e Komitetit Shqiptar të Helsinkit pranë grupeve të ndryshme të interesit.
6. Angazhimi me detyra të natyrës administrative
7. Angazhime të tjera në përputhje me veprimtarinë dhe misionin e organizatës.

Kandidati ose kandidatja i/e interesuar për këtë pozicion duhet të plotësojë këto kritere:

1. Të jetë duke ndjekur vitin e tretë të studimeve në nivelin Bachelor ose studimet në nivelin Master për Drejtësi.
2. Të kenë mesatare të studimeve mbi 8.0.
3. Të njohë mirë anglishten dhe të jetë përdorues shumë i mirë i programeve bazë të kompjuterit.
4. Të ketë aftësi të mira të komunikimit dhe të punës në grup.
5. Kriter avantazhues është angazhimi i mëparshëm në organizata jofitimprurëse që kanë në mision të drejtat dhe liritë e shtetasve.

Mënyra e Aplikimit

Të interesuarit të dërgojnë brenda datës 15 Janar 2021 në adresen tonë elektronike office@ahc.org.al dokumentacionin e mëposhtëm:

1. CV
2. Letër motivimi (jo më shumë se 500 fjalë)
3. Kopje të dokumentacionit shoqërues që vërteton përmbushjen e kritereve të parashikuara në pikat “1”, “2”, “3” më sipër.

Mënyra e përzgjedhjes

Një komision paraprak seleksionimi brenda KShH-së do të vlerësojë të gjitha aplikimet e kandidatëve të interesuar. Vetëm kandidatët që do të përzgjidhen në një listë të shkurtër do të njoftohen brenda datës 18 Janar 2021, për një intervistë me komisionin e seleksionimit të kandidatëve në fazën e dytë të rekrutimit.