Me datë 13 Janar 2016, Komiteti Shqiptar i Helsinkit (KSHH) realizoi dy sesione trajnimi, me vëzhguesit e përzgjedhur për monitorimin e seancave gjyqesore në gjykatat e të gjitha niveleve në Shqipëri. Ky monitorim kishtë për qëllim ngritjen e kapaciteteve të vëzhguesve për të vlerësuar përdorimin e sallave të gjykimit dhe të sistemit të regjistrimit audio. Vëzhguesit u njohën me kuadrin ligjor mbi publicitetin dhe transparencën e gjykatave. Për realizimin e këtij monitorimi, KShH ka përgatitur një metodologji të detajuar që përfshin monitorimin e seancave gjyqësore, realizimin e intervistave me përdorues të gjykatave (avokat, prokurorë, palët në process, etj) si dhe intervista me krerët e gjykatave, kancelarët, sekretarët gjyqësorë dhe personelin IT.
Në këto trajnime morën pjesë gjithësej 44 monitorues. Monitoruesit u përzgjodhën në bazë të aplikimeve të paraqitura si dhe memorandumeve të bashkëpunimit të lidhura me Universitetin “Aleksandër Xhuvani”, Elbasan, Universitetin “Fan Noli” në Korçë, Universitetin “Ismail Qemali” në Vlorë dhe Universitetin “Luigj Gurakuqi” në Shkodër. Ndërsa, në trajnimin e dytë morën pjesë monitorues nga qyteti i Tiranës.
Trajnimet u përshëndetën nga Znj. Anne Trice, Drejtuese e Projektit të USAID-it “Drejtësi për të Gjithë”, e cila vuri theksin mbi rëndësinë e kësaj nisme dhe cilësitë e vëzhguesve si dhe lidhur me mbështetjen e ofruar nga projekti i USAID-it për zbatimin e këtij projekti. Në vijim, kontribuan me ekspertizën e tyre në këto trajnime, Znj. Erida Skëndaj, Drejtore Ekzekutive në KSHH, Znj. Klejda Ngjela , Menaxhere e Projekti në KShH dhe Znj. Nevila Lata Eksperte IT.
Trajnimet u realizuan në kuadër të nismës “Të punojmë së bashku për seanca gjyqësore të hapura dhe transparente në gjykatat e të gjitha niveleve në Shqipëri” me mbështjetjen financiare të projektit të USAID “Drejtësi për të gjithë”.
