Vend Vakant “Avokat pranë Klinikës së Ligjit” (një pozicion)

Shpallur më 10 Shtator 2024

Afati i aplikimit deri në dt.19 Shtator 2024

Komiteti Shqiptar i Helsinkit (KShH) shpall njoftimin për vend vakant, për pozicionin e punës me këto specifika:

• 1 (Një) Avokat pranë Klinikës së Ligjit
• Kontratë pune me kohë të plotë, 3 muajt e parë në provë konform Kodit të Punës

Detyrat dhe përgjegjësitë kryesore që do të ushtrohen në përmbushje të këtij pozicioni pune janë si vijon:

1. Kontribuon në hartimin e shkresave, studimeve, raporteve, research-e, manuale, me natyrë ligjore që organizata realizon në funksion të misionit të saj në fushat e zgjedhjeve të lira e të ndershme, shtetit të së drejtës, të drejtave dhe lirive të njeriut;
2. Kontribuon në hartimin e dokumentacionit ligjor dhe përfaqësimin e çështjeve të litigimit strategjik (strategic litigation), administrativisht dhe/ose në rrugë gjyqësore, në përputhje me legjislacionin në fuqi, Konventat Ndërkombëtare të ratifikuara nga vendi ynë, praktikat e mira ndërkombëtare, jurisprudencën e GJEDNJ apo të gjykatave të tjera me praktikë të njohur dhe të cituar ndërkombëtarisht, etj.
3. Angazhohet në ekipet monitoruese të organizatës për çështjet e të drejtave dhe lirive të njeriut si dhe shtetin e së drejtës si dhe përgatit së bashku me ekpin monitorues, metodologjinë e monitorimit, raportin përkatës dhe shkresat për institucionet shtetërore.
4. Përfaqëson organizatën sipas kërkesave të Drejtorit Ekzekutiv në media, aktivitete brenda dhe jashtë vendit.

Kandidati ose kandidatja për këtë pozicion duhet të plotësojë këto kritere:

1. Të ketë përfunduar studimet e plota (bachelor dhe master) për Drejtësi;
2. Të ketë mesatare të studimeve në Bachelor dhe në master mbi 8.0.
3. Të ketë liçencë avokatie;
4. Preferohen kandidatët me më shumë se 2 vite përvojë si asistent avokat apo avokat apo që kanë përfaqësuar administrativisht dhe gjyqësisht institucionin shtetëror ku kanë punuar si jurist.
5. Të ketë njohuri të avancuara teorike dhe praktike, përsa i takon të drejtave dhe lirive themelore të njeriut.
6. Të ketë aftësi shumë të mirë analitike të ligjit dhe zbatimit të tij si dhe aftësi shumë të mira në të shkruar dhe në të folur;
7. Të jetë njohës i mirë i gjuhës angleze në të shkruar dhe në të folur.
8. Të jetë njohës dhe përdorues shumë i mirë i programeve bazë të kompjuterit
9. Të ketë aftësi shumë të mirë organizative, duke përfshirë multitasking dhe menaxhimin e kohës;
10. Të jetë i aftë të punojë në grup dhe të ketë aftësi shumë të mira  ndërpersonale.
11. Aftësi të shkëlqyera komunikuese dhe prezantuese,

Mënyra e Aplikimit.

Të interesuarit të dërgojnë brenda datës 19 Shtator 2024, në adresen tonë elektronike office@ahc.org.al dokumentacionin e mëposhtëm:

1. Letër motivimi;
2. CV;
3. Janë të këshillueshme paraqitja e një ose dy letra reference nga punëdhënësit e mëparshëm.

Mënyra e përzgjedhjes

Vetëm kandidatët që do të përzgjidhen në një listë të shkurtër do të njoftohen brenda datës 20 Shtator 2024, për një intervistë me komisionin e rekrutimit.

Paga për pozicionin do t’ju bëhet e ditur gjatë procesit të intervistimit.