Lënda: Kërkesë për Ofertë për blerjen e librave artistikë për bibliotekat e shkollave të mesme.
Drejtuar: Të gjitha subjekteve të interesuara që përmbushin kritetet dhe kushtet e shprehura më poshtë.
Përshkrimi:
Komiteti Shqiptar i Helsinkit nëpërmjet nismës “Aktivitete edukative të bazuara në vlera, për të parandaluar Ekstremizmin e Dhunshëm tek të rinjtë në Shqipëri”, mbështetur nga Bashkimi Evropian/Hedayah synon të inkurajojë edukimin e të rinjve me vlera themelore të shoqërisë dhe demokracisë, siç janë toleranca, respekti i ndërsjellë, bashkëpunimi dhe mirëkuptimi përmes aktiviteteve edukative bazuar në vepra letrare. Në formën e një projekti pilot, nëpërmjet aktiviteteve të ndryshme, kjo nismë do të kontribuojë në parandalimin e radikalizimit që çon në ekstremizëm të dhunshëm, në 12 qarqe në Shqipëri (Shkodër, Kukës, Lezhë, Tiranë, Elbasan, Durrës, Fier, Vlorë, Dibër, Berat, Korcë dhe Gjirokastër).
Një ndër aktivitetet e këtij projekti konsiston në paisjen e biblitotekave të 24 shkollave në këto 12 qarqe, me 10 kopje për secilin titull sipas listës së mëposhtme, përmbajtja e të cilëvë përputhet me qëllimet e projektit:
- Tri sprova mbi letërsinë botërore: Eskil, Dante, Shekspir, I. Kadare
- Kronikë në gur, I. Kadare
- Gjenerali i ushtrisë së vdekur, I. Kadare
- Princi i Vogël, Antoine de Saint Exupery
- E bardha dhe e zeza, Malorie Blackman
- Ҫunat nuk qajnë, Malorie Blackman
- Babeli, Jan De Leeuë
- Gjuetari i balonave, Khaled Hosseini
- Alkimisti, Paolo Coelho
- Une jam Malala, Malala Yousafzai
- Fundamentalist padashje, Mohsin Hamid
- Pa zemër në kraharor, Mira Meksi
Kushtet për subjektet që do marrin pjesë në këtë thirrje për oferta:
- Duhet të paraqesin një kopje të Certtifikates sw Regjistrimit të subjektit (NIPT).
- Kopje të ekstraktit të subjektit nga QKR të muajit të fundit.
- Vërtetim të pagesës së detyrimeve tatimore nga Drejtoria e Tatimeve.
- Oferta duhet të dorëzohet në zarf të mbyllur deri më 8 Mars 2020 ora 17:00 në adresën: Komiteti Shqiptar i Helsinkit, Rruga Briga da VIII, Pallati Teknoprojekt, Ap. 10, Tiranë dhe në adresën e email-it office@ahc.org.al
- Për çdo pyetje apo informacion të detajuar mund të na shkruani në adresën elektronike office@ahc.org.al deri më datë 1 Mars 2020 ora 17:00.
- Oferta duhet të jetë në Lekë sipas tabelës, dhe të ketë të përfshirë vlerën e TVSH.
- Duhet të sigurohet vlefshmëria e ofertës për tre muaj.
- Duhet të sigurohet dorëzimi i librave pas 15 ditësh nga shpallja e fituesit.
- Subjekti duhet të sigurojë të gjithë librat e lartpërmendur.
- Librat duhet të dorëzohen të organizuar në 24 sete, me 12 tituj, në 10 kopje secili titull, sipas një kalendari të dakortësuar me Komitetin Shqiptar të Helsinkit, gjatë një periudhe tre mujore.
Kriteret e vlerësimit:
- Respektimi i afatit të dërgimit të ofertës
- Oferta financiare
- Cilësia e botimit
- Aftësia për ti vënë në dispozicion librat të organizauar në sete
Specifikimet teknike të librave:
- Librat duhet të jenë të rinj jo të përdorur më parë
- Botimi i ofruar duhet të jetë i fundit
Për të dërguar ofertën tuaj ju lutemi plotësoni tabelën që gjendet në këtë link: https://ahc.org.al/wp-content/uploads/2020/02/Draft_Call4Quatation.pdf
