KËRKESË PËR OFERTË
SUBJEKT/KOMPANI OFRIMI ME QERA NJË SALLË PËR ORGANIZIM EVENTI, PAJISUR ME MJETE TEKNIKE LOGJISTIKE DHE OFRIM COFFEE BREAK PËR 30 PJESËMARRËS
Komiteti Shqiptar i Helsinkit (KShH) po zbaton iniciativën “Të thyejmë së bashku mitin e mosndëshkimit të korrupsionit”, mbështetur financiarisht nga Ambasada Amerikane në Tiranë.
Në kuadër të zbatimit të këtij projekti, KShH shpall kërkesën publike për ofertë për subjekt/kompani, për marrjen me qera të 1 (një) ambient, sallë eventesh, pajisur me mjete teknike logjistike, dhe ofrim të shërbimit coffee break (pushim kafeje) për 30 pjesëmarrës.
Salla me qera do të jetë e përdorshme për ½ dite. Tryeza e përbashkët e prezantimit të gjetjeve dhe konsultimit të tyre, pjesë e një Raporti Studimor, planifikohet të organizohet në fund të muajit Shkurt 2024 ose fillim të muajit Mars 2024. Subjekti i përzgjedhur do të njoftohet në advancë nga ana e stafit ekzekutiv të KShH-së, në një periudhë jo më vonë se 10 ditë, me synim marrjen e masave për organizimin e eventit, sipas kërkesave dhe pritshmërive të KShH-së.
Subjekti duhet ta shoqërojë ofertën financiare:
- Çertifikatën e regjistrimit (nqs ofertuesi është kompani/subjekt tregtar)
- Oferta duhet të jetë e firmosur dhe e vulosur.
Oferta finaciare duhet të përfshijë:
- Ofertën financiare në Dollarë (me TVSH të përfshirë) për ofrimin e sallës me qera për ½ dite * Subjektet që nuk i nënshtrohen TVSH ta deklarojnë këtë status*
- Foto të sallës në të cilën do të realizohet eventi
- Listë e pajisjeve facilituese të cilat përfshihen në çmimin e qerasë.
- Ofertë financiare në Dollarë (me TVSH të përfshirë) për mjetet teknike që ofrohen nga ana e subjektit, si opsion shtesë për organizimin e eventit
- Ofertë financiare në Dollarë (me TVSH të përfshirë) dhe menu, coffee break për 30 pjesëmarrës.
KShH fton të gjitha subjektet e interesuara që të dërgojnë në formë elektronike në adresën e e-mailit të KShH-së office@ahc.org.al deri në datën 25.01.2024, dokumentacionin e sipërcituar.