Kërkesë për ofertë për  përzgjedhjen e subjekti tregtar i cili ofron me qera një sallë bashkë me pajisjet mbështetëse për realizimin e dy eventeve , cooffe break (40 persona) dhe drekë finger food (30 persona)

Tiranë, më 05 mars 2024

KËRKESË PËR OFERTË PËR PËRZGJEDHJEN E SUBJEKTI TREGTAR I CILI OFRON ME QERA NJË SALLË BASHKË ME PAJISJET MBËSHTETËSE PËR REALIZIMIN E DY EVENTEVE, COFFEE BREAK (40 PERSONA) DHE DREKË FINGER FOOD (30 PERSONA)

Komiteti Shqiptar i Helsinkit (KShH) po zbaton nismën “Rritja e rolit mbikëqyrës dhe kërkesave të qytetarëve nëpërmjet mbështetjes së OShC-ve, mediave dhe akademisë„,mbështetur financiarisht nga Ambasada Britanike në Tiranë dhe zbatuar në bashkëpunim me Institutin e Studimeve Politike, Qëndresën Qytetare dhe BIRN Albania. 

Në kuadër të këtij projekti, KShH shpall thirrjen për subjekt tregtar i cili ofron:

1. Qera salle bashkë me pajisjet mbështetëse (+ pajisje përkthimi)
2. Coffee break për deri në 40 persona,
3. Drekë në format finger food për deri në 30 pjesëmarrës.

Këto elemente vlejnë për të dy aktivitetet për të cilat hartohet kjo thirrje, përkatësisht për tryezat e rrumbullakëta të cilat do të ndodhin në javën e fundit të muajit mars dhe javën e tretë të muajit maj.

KShH fton të gjitha subjekte e interesuara që të dërgojnë në formë elektronike në adresën e-mailit të KShH-së office@ahc.org.al deri në datën 13.03.2024 dokumentacionin e mëposhtëm:

1. Ofertën finaciare në Lekë për qera salle me pajisjet mbështetëse (+ pajisje përkthimi);
2. Ofertën financiare në Lekë në formatin kosto për person për coffee break (bashkëngjitur ofertës menunë e propozuar për 40 persona);
3. Ofertën finaciare në Lekë në formatin kosto për person për drekë, format finger food (bashkëngjitur ofertës menunë e propozuar për 30 persona).
4. Përcjellja e ofertës në monedhë të ndryshme nga LEK çon në përjashtimin automatik të subjektit garues nga procedura e prokurimit, duke mos kaluar në fazën e vlerësimit teknik të saj.

Vlera e ofertës duhet të llogaritet nga subjektet e interesuara me TVSH të përfshirë në çmim (Vat included). Në rast se subjekti përfshihet në kategorinë që përjashtohet nga TVSH duhet ta deklarojë atë.

Për eventin që do të zhvillohet përgjatë muajit maj, data e saktë do të komunikohet në vijim me subjektin e përzgjedhur.