Komiteti Shqiptar i Helsinkit (KShH), në zbatim të projektit “C1-EU-NPA – Përmirësimi i debatit mbi politikat dhe llogaridhënien për të përmbushur të drejtat bazike, përmes Krijimit të Platformës së Negociatave të Grupit Një BE–Shqipëri” me mbështetjen financiare të Ambasadës Hollandeze, shpall kërkesën për ofertë për një subjekt tregtar/person fizik i cili ofron shërbimin e fotografisë dhe rregjistrimit të gjashtë eventeve nëpërmjet sistemit audio-vizual. Evenetet do të organizohen sipas një kalendari të paracaktuar nga stafi zbatues i projektit, ku secili event nuk zgjat më shumë se 4 orë. Eventi më i afërt në kohë, i cili parashikohet të organizohet më dt. 1 Qershor 2022, do të zhvillohet në ambientet e Europe House. Fotografimi i eventit do të realizohet duke u kujdesur që të dokumentohen momentet kyç të eventit, ndërkohë rregjistrimi i tij audio-vizual preferohet të realizohet nëpërmjet kamerave statike dhe kamerave lëvizëse 180°.
Oferta finaciare duhet të përfshijë:
- Ofertën financiare për shërbimin e fotografisë gjatë eventit
- Oferta financiare shërbimin e rregjistrimit të eventit nëpërmjet sistemit audio-vizual
KShH fton të gjitha subjektet e interesuara që të dërgojnë në formë elektronike në adresën e e-mailit të KShH-së office@ahc.org.al, deri në datën 24.05.2022, dokumentacionin e mëposhtëm:
- Ofertën financiare në Euro (me TVSH të përfshirë)1
- Listë e pajisjeve facilituese të cilat përfshihen në ofertë
- Çertifikatën e regjistrimit (nqs ofertuesi është kompani/subjekt tregtar)
- Oferta duhet të jetë e firmosur dhe e vulosur
1 Subjektet qe nuk disponojne kete status, duhet te deklarojne ne oferten e tyre mbi TVSH-ne.
