Në datën 27 Prill 2018, Mbledhja e Përgjithshme e Asamblesë së Komitetit Shqiptar të Helsinkit (KSHH) vendosi të emërojë në pozicionin e Presidentit të Asamblesë, Znj. Vjollca Meçaj. Asambleja e Përgjithshme e këtij Komiteti është organi vendimmarrës sipas statutit të organizatës. Znj. Meçaj ka një përvojë të gjatë prej gati 45 vitesh, në fushën e jurisprudencës, shoqërisë civile dhe aktivizimit të lartë për mbrojtjen e të drejtave dhe lirive të shtetasve, ku në mënyrë të veçantë spikat ushtrimi i funksionit të Gjyqtarit Kushtetues, drejtimi ekzekutiv për gati 7 vjet i Komitetit Shqiptar të Helsinkit, si dhe përvoja të tjera të rëndësishme profesionale në fushën e avokatisë, noterisë, në sferën e administratës publike, shoqërisë civile etj.
