Duke u referuar në gjetjet e raporteve më të fundit të publikuara nga Banka Botërore “Migration and Mobility”, Kontrolli i Lartë i Shtetit (viti 2016), dhe të dhënat zyrtare të publikuara nga media, rezulton se lojërat e fatit dhe varësia ndaj tyre janë një ndër faktorët që kanë ndikuar në rritjen e borxhit publik, e rrjedhimisht dhe në varfërinë në vend.
Në analizë të modelit të legjislacionit gjerman dhe jurisprudencës së Gjykatës Kushtetuese Federale Gjermane, KSHH i është drejtuar Komisionit për Ekonominë dhe Financat duke i sugjeruar, shikimin e mundësive për të ushtruar një mbikëqyrje parlamentare tematike lidhur me kuadrin që rregullon veprimtarinë e kazinove dhe lojërave të fatit në vendin tonë, si dhe zbatimin e tij. Deri në ushtrimin e të drejtës për një nismë legjislative që synon përshtatjen e këtij kuadri ligjor me modelet më të mira të vendeve të tjera dhe kushtet sociale-ekonomike të vendit tonë, KSHH ka sugjeruar shikimin e mundësisë për rishikimin e këtij kuadri ligjor.
Klikoni këtu për të parë shkresën e plotë, ose nëpërmjet linkut:
https://ahc.org.al/wp-content/uploads/2018/05/Lojerat-e-Fatit0001.pdf
