Komiteti Shqiptar i Helsinkit (KShH), në partneritet me 6 organizata të tjera të shoqërisë civile, pjesë të Këshillit të Ballkanit për Refugjatët dhe Migrantët (BRMC): Qendra e Beogradit për të Drejtat e Njeriut (BCHR), Aleanca Qytetare nga Mali i Zi (GAMN), Programi për të Drejtat Civile në Kosovë (CRP/K), Shoqata e Avokatëve të Rinj Maqedonas (MYLA), Vaša prava Bosnje dhe Hercegovinë (VP BiH) dhe Këshilli Danez për Refugjatët (DRC); mbështetur nga Grupa 484 dhe financuar nga Bashkimi Europian, kanë zhvilluar skemën e nëngrantimit kombëtar në secilin prej 6 shteteve të Ballkanit Perëndimor, në kuadër të nismës “Siguri për Qëniet Njerëzore dhe Kufinjtë – Lufta Kundër Trafikimit të Migrantëve në Ballkanin Perëndimor”.
Qëllimi i kësaj thirrje për projekt propozime është të kontribuojë në krijimin e standarteve kombëtare të procedurave për trajtimin e migrantëve dhe të gjenerojë inpute për përmirësimin e krijimin e politikave kombëtare për të luftuar smuggling të migrantëve. Aplikimet e mbërritura në kuadër të thirrjes për projekt propozime u vlerësuan nga përfaqësuesit e organizatave partnere të nismës dhe organizatat e rekomanduara për dhënien e granteve ndërkombetare u njoftuan për ndjekjen e procedurave vijuese.
Në përfundim të këtyre procedurave, Komiteti Shqiptar i Helsinkit njofton se katër organizatat e shoqërisë civile fituese të skemës së nëngrantimit kombëtar janë:
- Informative Network and Active Citizenship
- Shoqata “Multifunksionale për Kulturë, Edukim dhe Zhvillim”
- Shoqata Gazetarë Profesionistë Rajonalë
- Albanian Initiative for Development
