Avokat – Koordinator/Asistent Projektesh

Komiteti Shqiptar i Helsinkit (KShH) shpall njoftimin publik për vend vakant, për pozicionin e punës me këto specifika:

• Një Avokat – Koordinator/Asistent Projektesh
• Kontratë pune 6 mujore (2 muajt e parë kohë prove), me të drejtë ripërtëritje, në varësi të performancës dhe projekteve që organizata do të zbatojë
• Me kohë të plotë pune (full-time).

Detyrat dhe përgjegjësitë kryesore që do të ushtrohen në përmbushje të këtij pozicioni pune janë si vijon:

1. Përgatitjen e dokumentacionit të nevojshëm si dhe përfaqësimin ligjor në gjykatat e brendshme të çështjeve kryesisht me natyrë penale si dhe çështjeve të tjera për të drejtat dhe liritë e njeriut (me fokus rastet strategjike, class action, amicus curiae).
2. Në varësi të kapaciteteve dhe përvojave të mëparshme, koordinimin/asistimin për projektet që organizata zbaton në fushën e të drejtave dhe lirive të njeriut.
3. Ofrim konsulence ligjore për trajtimin e ankesave të shtetasve, përpilimin e shkresave drejtuar ankuesve dhe institucioneve shtetërore, ofrimin e oponencës ligjore për projektligje apo projekt akteve të tjera;
4. Kontribut për hartimin e raporteve të monitorimit, të raporteve me natyrë studimore apo kërkimore;
5. Kryerjen e monitorimeve dhe verifikimeve në institucione si gjykata, prokurori, institucionet e reja të sistemit të drejtësisë, zgjedhjeve Parlamentare dhe vendore, burgje, paraburgime, komisariate të Policisë së Shtetit, etj;

Kandidati ose kandidatja për këtë pozicion duhet të plotësojë këto kritere:

1. Të ketë përfunduar studimet e plota (bachelor dhe master) për Drejtësi (preferohen kandidatët e profilizuar në të Drejtën Penale)
2. Të ketë mesatare të studimeve në Bachelor mbi 8.5 dhe në master mbi 8.5
3. Të zotërojë liçencën e avokatisë, të cilën preferohet ta ketë ushtruar të paktën 1 vit.
4. Preferohet me eksperienca të mëparshme në koordinimin/asistimin e projekteve në organizata vendase, ndërkombëtare apo institucione publike.
5. Të ketë njohuri të avancuara teorike dhe praktike, përsa i takon të drejtave dhe lirive themelore të njeriut.
6. Të ketë aftësi shumë të mirë analitike të ligjit dhe zbatimit të tij si dhe aftësi shumë të mira në të shkruar dhe në të folur;
7. Të jetë njohës shumë i mirë i gjuhës angleze në të shkruar dhe në të folur (Sipas vërtetimeve të lëshuara nga Institucionet e licensuara që çertifikojnë njohuritë e gjuhës angleze)
8. Të jetë njohës dhe përdorues shumë i mirë i programeve bazë të kompjuterit
9. Të jetë i aftë të punojë në grup dhe të ketë aftësi shumë të mirë organizative

Mënyra e Aplikimit.

Të interesuarit të dërgojnë brenda datës 30 Maj 2020, ora 17.00 në adresen tonë elektronike office@ahc.org.al dokumentacionin e mëposhtëm:

1. CV
2. Kopje të dokumentacionit shoqërues që vërteton përmbushjen e kritereve të parashikuara në pikat “1”, “2”, “3”, “4” , “5”, “7”, “8” dhe “9” më sipër;
3. Letër Motivimi (jo më shumë se 500 fjalë)
4. Një ose dy letra reference nga punëdhënësit e mëparshëm apo stafi akademik i Fakultetit ku kanë ndjekur studimet për drejtësi

Mënyra e përzgjedhjes

Një komision paraprak seleksionimi brenda KShH-së do të vlerësojë të gjitha aplikimet e kandidatëve të interesuar. Vetëm kandidatët që do të përzgjidhen në një listë të shkurtër do të njoftohen brenda datës 8 Qershor 2020, për një intervistë me komisionin e seleksionimit të kandidatëve në fazën e dytë të rekrutimit.

Paga për pozicionin

Paga bruto mujore do të jetë 565 Eur në muaj.