Komiteti Shqiptar i Helsinkit kërkon të kontraktojë një Ekspert/Kompani Auditimi per Vlerësimin dhe Verifikimin e shpenzimeve në kuadër të projektit “Unë marr pjesë! Zëri im, vota ime vlen” financuar nga Bashkimi Evropian.

Eksperti do të kontribuojë me një raport dhe rekomandime bazuar në gjetjet e Vlerësimit dhe Verifikimin e shpenziveme të procesit të zbatimit të projektit.

Raporti duhet të jetë një vlerësim i orientuar në bazë të përformancës dhe impaktit të siguruar nga Komiteti Shqiptar i Helsinkit, organizatat partnere dhe 5 organizata nën-grantuese, të përfshira në zbatimin e këtij projekti.

Eksperti do të rishikojë dokumentacionin e projektit (kontratën, raportet e ndërmjetme, të dhënat statistikore dhe do të shqyrtojë të gjitha shpenzimet e realizuara të lidhura me aktivitetet e projektit dhe dokumentacionin e lidhur me to. Bazuar në analizën e dokumentacionit dhe takimet me të gjithë partnerët e përfshirë në zbatimin e projektit, eksperti do të bëjë vlerësimin dhe rekomandime për lidhur kryesisht me aspektin financiar të projektit.

Raporti i paraqitur nga eksperti duhet të përmbajë:
• Përshkrim të Metodologjisë e vlerësimit
• Termat e references
• Të dhëna mbi vlerësimin e respektimit të rregullave të kontratave të Grantit të mbështetura nga BE
• Të dhëna mbi menaximin e projektit dhe strukturën operacionale
• Të dhëna mbi administrimin e dokumentacionit financiar nga organizatat
• Të dhëna mbi vlerësimin e transaksioneve dhe rregullsinë e tyre
• Konkluzione dhe Rekomandime

Vlerësimi dhe monitorimi i këtij projekti do të kryhet në përiudhën 15 Shkurt – 28 Shkurt 2022.
Për të aplikuar, dergoni ofertën tuaj (deri në 2 400 EUR), përpara datës 30 Janar, ora 17.00, në adresën office@ahc.org.al.

Aplikimi duhet të përfshijë:

1. Letër motivimi dhe CV
2. Metodologjinë (70%)
3. Ofertën financiare (30%)