Thirrje Për Dy-Tre Praktikantë
Komiteti Shqiptar i Helsinkit (KShH) shpall njoftimin publik për internship (praktikë profesionale) per dy-tre praktikantë.
KShH motivon të bëhën pjesë e programit të internship-it (pa të drejtë pagese) studentët e Fakulteteve të Drejtësisë që duan të angazhohen në Mbrojtjen e të Drejtave të Njeriut, monitorimin e sistemit të burgjeve në vendin tonë, monitorimin online të veprimatrisë së sistemit gjyqësor dhe të funksionimit të organeve të reja të qeverisjes së sistemit të drejtësisë etj. Programi i praktikës profesionale (internship) do të zhvillohet pranë zyrave të Komitetit Shqiptar të Helsinkit për një periudhë 3 mujore me angazhim fizikisht cdo ditë jo më pak se 4 orë.
Detyrat dhe përgjgjësitë kryesore që do të ushtrohen gjatë realizimit të internship-it janë
- Angazhimi në monitorime të ndryshme në terren me qëllim verifikimin e situatës së të drejtave dhe lirive të shtetasve.
- Angazhimi si desk-researcher dhe monitorim online i veprimtarisë së pushtetit gjyqësor, organeve të reja të qeverisjes së sistemit të drejtësisë, lirinë e medias dhe gjuhën e urrejtjes etj.
- Asistimi në përgatitjen e materialeve, raporteve kërkimore, shkrimeve etj.
- Assitimi i stafit në realizimin e aktiviteteve që zbaton organizata.
- Shpërndarja e publikimeve të prodhuara nga ana e Komitetit Shqiptar të Helsinkit pranë grupeve të ndryshme të interesit.
- Angazhimi me detyra të natyrës administrative sipas rastit.
Kandidati ose kandidatja i/e interesuar për këtë pozicion duhet të plotësojë keto kritere:
- Të jetë duke ndjekur vitin e tretë të Programit të Integruar të Studimeve “Master i Shkencave në Drejtësi” pranë Fakultetit të Drejtësisë.
Një nga praktikantët kërkohet të jetë në proces studimi ne vitin e Dytë për Master Shkencor në të Drejtë Penale.
- Të kenë mesatare të studimeve mbi 8.0
- Të njohë mirë anglishten dhe të jetë përdorues shumë i mirë programeve bazë të kompjuterit
- Të ketë aftësi të mira të komunikimit dhe të punës në grup.
Mënyra e Aplikimit
Të interesuarit të dërgojnë brenda datës 13.04.2025 në adresën tonë elektronike office@ahc.org.al dokumentacionin e mëposhtëm
- Cv
- Letër motivimi (jo më shumë se 500 fjalë)
- Kopje të dokumentacionit shoqërues që vërteton përmbushjen e kritereve të parashikuara në pikat “1”, “2”, “3” më sipër.
Mënyra e përzgjedhjes
Një komision paraprak seleksionimi brenda KShH-së të gjitha aplikimet e kandidatëve të interesuar. Vetëm kandidatët që do të përzgjidhen në një listë të shkurtër do të njoftohen brenda datës 18.04.2025 për një intervistë me komisionin e seleksionimit të kandidatëve në fazën e dytë të rekrutimit. Vetëm dy ose tre praktikantë do të përzgjidhen për realizimin e programit të internship-it pranë Komitetit Shqiptar të Helsinkit.
