Dt. 3 Shtator 2024
Thirrje për Nëngrante, drejtuar organizatave të shoqërisë civile
Komiteti Shqiptar i Helsinkit (KShH) në bashkëpunim me Qendrën A.L.T.R.I dhe organizatën Friends of Europe, po zbaton projektin “Shoqëria civile kundër korrupsionit, nga një sfidë vendase në një përgjigje Evropiane”, me mbështetjen financiare të Bashkimit Evropian i cili synon të rrisë rolin e shoqërisë civile në pjesëmarrjen, monitorimin, mbrojtjen dhe ndërgjegjësimin për procese më të mira të politikëbërjes në kuadrin e anëtarësimit të Shqipërisë në BE.
Objektivi i përgjithshëm i kësaj thirrjeje për nëngrante është të forcojë bashkëpunimin dhe kohezionin ndërmjet shoqërisë civile dhe institucioneve shtetërore shqiptare në luftën kundër korrupsionit dhe rritjen e cilësisë së drejtësisë për qytetarët në Shqipëri.
Kjo thirrje për Projekt-Propozime është e vlefshme për periudhën 3 Shtator – 1 Tetor 2024 dhe i përket Skemës së Granteve, si një nga komponentët kryesorë të projektit, i cili ka si qëllim financimin e projekteve që mbështesin OShC-të që promovojnë fushat prioritare të këtij projekti.
Vlerësimi dhe përzgjedhja e projekt-propozimeve do të realizohet në bazë të një procesi meritokratik, objektiv dhe të paanshëm.
Lutemi që çdo komunikim lidhur me interesin e organizatave për thirrjen të zhvillohet vetëm në rrugë zyrtare me Komitetin Shqiptar të Helsinkit, gjatë sesioneve të informimit ose deri në dt.17 Shtator 2024, me anë të adresës së emailit Subgrants.Application@ahc.org.al.
Shuma e përgjithshme e vënë në dispozicion për këtë Thirrje për Projekt-Propozim është 170,000.00 EUR.
Buxheti i përgjithshëm i projekteve që do të mbështeten nga kjo Thirrje duhet të jetë jo më pak se 20.000 Euro dhe jo më shumë se 34.000 Euro.
Afati i fundit për dorëzimin e aplikimeve të Projekt-Propozimeve është data: 1 Tetor 2024, ora 16:30.
Për këtë thirrje do të organizohen 3 sesione informimi, përkatësisht:
- Tiranë me datë 10 Shtator, ora 10:00
- Shkodër me datë 11 Shtator, ora 10:00
- Vlorë me datë 12 Shtator 2024, ora 10:00
Udhëzimet për mënyrën e aplikimit dhe dorëzimit të Projekt-Propozimeve si dhe formatet e detyrueshme të aplikimit sipas anekseve të veçanta gjenden në linqet e mëposhtme:
Paketa me Annexet e Projekt-Propozimit
Udhëzuesi për Aplikantët-Skema e sub-granteve
Në rast të problematikave në aksesimin e këtyre dokumentave, ato mund të kërkohen duke dërguar një e-mail në adresën tonë: Subgrants.Application@ahc.org.al.
