Tiranë, 13 Dhjetor 2018 – Organizatat e Shoqërisë civile me anë të kësaj deklarate publike duan të shprehin mbështetjen e tyre për kërkesën e studentëve për rritjen e buxhetit të arsimit në Shqipëri në masën 5 % të prodhimit të përgjithshëm bruto (PBB).
Shqipëria investon vetëm 3.3% e PBB-së për arsimin, shifër kjo larg standardit ndërkombëtar dhe atij rajonal. Kjo masë e ulët e investimeve cënon të drejtat e fëmijëve dhe të të rinjve për ofrimin e arsimit publik pa pagesë, cilësor dhe gjithëpërfshirës për të gjithë.
Në vende me të ardhura si Shqipëria, investimi me 1 dollar me shumë në arsim do të gjeneronte të ardhur prej me tepër se 5 dollarë në të ardhurat vjetore të një vendi për person.
Prej vitesh Koalicioni për Arsimin në Shqipëri (ACE) dhe Organizatat e Shqoqërisë Civile i kanë kërkuar Qeverisë, Kuvendit dhe çdo partie politike alokimin me 5% të PBB për arsimin në vend.
5% E PBB PËR ARSIMIN GARANTON:
⦁ Sigurimin e arsimit publik cilësor, gjithëpërfshirës dhe pa pagesë për çdo fëmijë dhe të ri kudo në Shqipëri.
⦁ Rritje të investimeve në infrastrukturën, në laboratorë, klasa, palestra dhe biblioteka cilësore.
⦁ Rrit cilësinë e mësimdhënies duke u përkthyer kjo në rritje të arrijeve akademike të krahasueshme me vendet e Bashkimit Europian.
Ne shprehim bindjen tonë se e drejta e çdo individi për arsim publik falas, cilësor dhe të garantuar për të gjithë, është një e drejtë bazë e njeriut që duhet respektuar nga të gjithë. Në këtë kuadër ne ftojmë Kuvendin e Shqipërisë, Qeverinë dhe të gjithë institucionet, partitë politike dhe partnerët socialë, që së bashku të bëjnë të pamundurën për të respektuar dhe garantuar këtë të drejtë.
Rrjetet dhe organizatat që i bashkohen thirrjes:
RRJETET
- 1. Koalicioni për Arsimin në Shqipëri (ACE)
- 2. Rrjeti Kombëtar për të Rinjtë në Shqipëri (ANYN)
- 3. Rrjeti Kombëtar për të Drejtat e Fëmijëve “VEPRO PËR FËMIJËT!”
- 4. Shtëpia e të Drejtave të Njeriut (HRH)
- 5. Rrjeti i Grave për Demokraci
ORGANIZATAT
- 6. Qendra për Mbrojtjen e Fëmijëve dhe të Rinjve, Shqipëri (CRCA)
- 7. Linja e Këshillimit të Fëmijëve – ALO 116
- 8. Laboratori i Politikave për Fëmijët dhe të Rinjtë në Shqipëri
- 9. Ambasada PINK Shqipëri
- 10. Qendra e Informacionit dhe Kërkimeve për të Drejtat e Fëmijëve
- 11. Shoqata Ndihmoni Jetën
- 12. Instituti Shqiptar për studime Ligjore dhe Territoriale (ALTRI)
- 13. Qendra Kombëtare për Studime Sociale
- 14. La casa nel Cuore
- 15. Down Syndrom Albania
- 16. Partnerë për Fëmijët
- 17. Fondacioni Arsimor Shqiptar
- 18. World Vision Albania
- 19. Komiteti Shqiptar i Helsinkit
- 20. Albanian Disability Rights Foundation
- 21. Qendra Europiane
- 22. Shoqata Kombëtare Edukim për Jetën
- 23. Save the Children Shqipëri
- 24. Qendra VATRA, Vlorë
- 25. Qendra për Popullsinë dhe Zhvillimin
- 26. Në Dobi të Gruas Shqiptare
- 27. Action for Change and Transformation
- 28. Rromano Kham
- 29. Terre des Hommes
- 30. ARSIS, Organizatë Shoqërore për Përkrahjen e të Rinjve
