Deklaratë për shtyp: Dita botërore kundër abuzimit të fëmijëve

Në kuadër të ditës botërore kundër abuzimit të fëmijëve, në datën 19 Nëntor 2006, me nismën e CRCA në bashkëpunim dhe me disa organizata të tjera për mbrojtjen e të drejtave të njeriut, ndër të cilët dhe Komiteti Shqiptar i Helsinkit reaguan nëpërmjet një deklarate publike “Qeveria shqiptare të marrë masa për ti dhënë fund abuzimit të fëmijëve në Shqipëri”.

Në këtë deklaratë, organizatat shprehën shqetësimin e tyre për situatën e rëndë dhe dhunën që i nënshtrohen fëmijët në Shqipëri si dhe i sugjerojnë qeverisë shqiptare të ndërmarri disa masa emergjente lidhur me mirërritjen e fëmijëve dhe parandalimin e dhunës ndaj tyre, përmirësimin e shërbimeve për fëmijët viktima të dhunës të të gjitha formave, miratimi e një ligji që ndalon përdorimin e dhunës ndaj fëmijëve në familje, insitucione dhe shoqëri.