Komiteti Shqiptar i Helsinkit (KShH), në kuadër të nismës “Promovimi i mirëkuptimit, tolerancës dhe lirisë fetare në Shqipëri”, i cili mbështetet nga Ambasada e Mbretërisë së Vendeve të Ulëta në Shqipëri, shpall thirrjen publike për subjekt/persona për realizimin e një video ndërgjegjësuese. Tematika e këtij spoti, i cili do të transmetohet ne TV, ka të bëjë me lirinë e besimit dhe promovimin e tolerancës fetare dhe dialogut ndërfetar për parandalimin e ekstremizmit.
Videospoti duhet të jetë përfshijë:
- Intervista/mesazhe të shkurtra promovuese
- Elementë grafikë, animacion dhe titra
- Elementë tingulli (sfond)
- Skenari do të bëhet në bashkëpunim me KSHH
- Video duhet të jetë jo më shumë se 2 minuta e gjatë.
Të interesuarit të dërgojnë një ofertë financiare, së bashku me CV dhe një listë me video të ngjashme (linqe të produkteve tuaja) deri në datën 15 Janar 2019, në formë elektronike në adresën e e-mailit të KShH-së office@ahc.org.al.
