Komiteti Shqiptar i Helsinkit (KShH), në kuadër të nismës “Përfshirja e të huajve në Ballkanin Perëndimor – Qasja në të Drejtat Sociale dhe Ekonomike (FOSTER)”, të zbatuar në bashkëpunim më organizatat e tjera antare të Këshillit Ballkanik për Refugjatët dhe Migracionin (BRMC)1 dhe Këshillin Danez për Refugjatët (DRC), synon të adresojë sfidat e përbashkëta të lidhura me migracionin në rajonin e Ballkanit Perëndimor, me fokus në të drejtat themelore të njeriut të grupeve të ndryshme në pozita të cenueshme të migrantëve dhe të të huajve, veçanërisht aksesin e tyre në të drejtat sociale dhe ekonomike. Objektivi i përgjithshëm i nismës qëndron në mbrojtjen dhe promovimin e plotë të të drejtave themelore të të huajve brenda rajonit të Ballkanit Perëndimor, sipas standardeve të BE-së, me fokus të veçantë në të drejtat ekonomike dhe sociale të të huajve në pozita të cenueshme.Kjo thirrje për projekt-propozime është e vlefshme në periudhën 20 dhjetor 2023 – 20 janar 2024 dhe i përket Skemës së Nëngrantimit, e cila konsiston në një prej komponentëve kryesorë të projektit, që ka si qëllim forcimin e kapaciteteve të OShC-ve për të kontribuar në politikëbërjen përkatëse, për të promovuar dhe mbrojtur të drejtat themelore të të huajve në pozita të cenueshme, si dhe përfshirjen e tyre në zhvillimin e qëndrueshëm social dhe ekonomik në rajonin e Ballkanit Perëndimor.
Vlerësimi dhe përzgjedhja e projekt-propozimeve do të realizohet në bazë të një procesi meritokratik, objektiv dhe të paanshëm.
Shuma e përgjithshme indikative e vënë në dispozicion për këtë Thirrje për Projekt-Propozim është 22,000 Euro, ndërkohë që çdo grant i kërkuar në kuadër të thirrjes duhet të shoqërohet me një buxhetim prej jo më tepër se 5,500 Euro.
Afati i fundit për dorëzimin e projekt-propozimeve është data 20 Janar 2024. Udhëzimet për mënyrën e aplikimit dhe dorëzimit të projekt-propozimeve përshkruhen me detaje në
dokumentat, të cilët gjenden në links të ndodhur në fund të këtij publikimi.Në kuadër të thirrjes, KShH do të realizojë një sesion informimi më datë 12 Janar 2024, përgjatë së cilit mirëpresim prezencën dhe pyetjet tuaja. Lutemi te indikoni synimin tuaj për pjesëmarrje në këtë sesion nëpërmjet dërgimit të një email në adresën
zyrtare të postës elektronike office@ahc.org.al deri në 5 janar 2024. Në vijim të këtij email-i, KShH do ju përcjellë detaje të mëtejshme për zhvillimin e aktivitetit.
1 Qendra e Beogradit për të Drejtat e Njeriut (BCHR), Programi për të Drejtat Civile në Kosovë* (CRP/K), Grupi 484,
Shoqata e Juristëve të Rinj Maqedonas (MYLA), Qendra Ligjore Podgoricë dhe Vaša prava Bosnje dhe Hercegovinë
(VP BiH).
https://ahc.org.al/wp-content/uploads/2023/12/Aneks-A-Application-Form-__ALB.docx
https://ahc.org.al/wp-content/uploads/2023/12/Udhezime-per-Aplikantet_Foster.docx
https://ahc.org.al/wp-content/uploads/2023/12/Thirrja-per-projekt-propozime_Foster.docx
https://ahc.org.al/wp-content/uploads/2023/12/Annex-C.pdf
https://ahc.org.al/wp-content/uploads/2023/12/Aneks-B_Budget-template_ALB.xls
https://ahc.org.al/wp-content/uploads/2024/01/Frequently-Asked-Questions_FOSTER.pdf
https://ahc.org.al/wp-content/uploads/2024/01/Info-Session_FOSTER_Prezantimi.pptx
