Më datë 19 Nëntor 2018, Gjykata Administrative e Shkallës së Parë Tiranë u shpreh pozitivisht duke lënë në fuqi Vendimin e Komisionerit për Mbrojtjen nga Diskriminimi. Nëpërmjet kësaj vendimarrje, të iniciuar nga ankesa e depozituar nga Komiteti Shqiptar i Helsinkit, konstatohet diskriminimi i të dënuarve që punojnë në sistemin e burgjeve, ndaj të cilëve nuk zbatohet e njëjta praktikë përsa i përket njohjes së punës dhe shpërblimin lidhur me të. Kjo çështje përfaqësohet në kuadër të nismës “Përmirësimi i situatës të të drejtave të njeriut në Shqipëri nëpërmjet forcimit të shtetit të së drejtës – Klinika Ligjore XII, e cila mbështetet financiarisht nga Civil Rights Defenders.