Komiteti Shqiptar i Helsinkit (KShH) po zbaton nismën “Unë marr pjesë! Zëri im, vota ime vlen.”, në partneritet me Civil Rights Defenders dhe Instituti i Studimeve Politike, mbështetur financiarisht nga Bashkimi Europian.
Ky projekt synon të fuqizojë qytetarët dhe shoqërinë civile që të angazhohen në promovimin, advokimin dhe monitorimin e proceseve demokratike. Një ndër aktivitetet kryesore të kësaj nisme është monitorimi i procesit zgjedhor, në kuadër të së cilit, KShH shpall thirrjen e hapur për hartimin e raportit paraprak dhe atij final, bazuar mbi gjetjet e vëzhgimit të kryer gjatë procesit zgjedhor.
Raportet e hartuara nga eksperti duhet të përfshijnë karakteristikat e mëposhtme, jo shteruese:
- Gjetjet nga procesi i monitorimit;
- Fokus të veçantë ndaj shkeljeve në ushtrimin e lirë të së drejtës së votës;
- Përfundime dhe rekomandime.
KShH nxit aplikimet nga kandidatët të cilët plotësojnë listën e kritereve të paraqitura më poshtë:
- Aftësi individuale
- Të jetë i/e pavarur dhe i/e paanshëm/e;
- Të gëzojë integritet profesional e moral;
- Të ketë aftësi shumë të mira analitike dhe mendimi kritik;
- Të respektojë detyrat dhe afatet e vendosura nga ekipi zbatues i projektit;
- Të jetë i/e aftë të punojë nën presionin e kohës.
- Aftësi profesionale
- Të ketë përfunduar studimet akademike në Drejtësi;
- Të ketë përvojë profesionale mbi 7-vjeçare në monitorimin e proceseve zgjedhore;
- Të ketë njohuri shumë të mira të Kodit Zgjedhor;
- Të ketë eksperiencë në shoqërinë civile.
KShH fton ekspertët e interesuar të dërgojnë në formë elektronike në adresën e email-it office@ahc.org.al dokumentacionin e mëposhtëm deri në datën 17 maj 2021:
- CV
- Letër motivimi
- Ofertë financiare
Vetëm eksperti i përzgjedhur do të njoftohet.
Alb. – ANNEX A Aplication Form Document 1
Alb. – Call_for_Proposals_ENG_AHC Dokumenti 2
